اسرائیل کوچلری ایکّی نفر فلسطینلیک نی یره له دی

اسرائیل کوچلری, اشغال آستیده گی غربی نوار نینگ فرقلی منطقه لری گه باسیب کیریب 2 نفر فلسطینلیک نی یره له دی و 15 کیشی نی ایسه قولگه آلدی. 

اشغال آستیده گی غربی نوار نینگ شمالیده جایلشگن نابلس ده گی محلی مسئول لر بیرگن بیاناتیده, اسرائیل کوچلری نینگ بلده بیت مهاجر لر کمپی گه باسیب کیرگن لیگینی بیلدیردی. 

منطقه یشاوچی لری بیلن اسرائیل کوچلری اورته سیده یوز بیرگن حادثه لرده, 2 نفر فلسطینلیک حقیقی مرمی بیلن اوریلیب یره لندی و اونلب کیشی ایسه استفاده ایتیلگن گازدن تاثیرلندی. 

غربی نوار نینگ جنوبی ده جایلشگن بیت لحم نینگ یقینیده گی آیدا مهاجر لر کمپیده هم بونگه اوخشش حادثه لر یوز بیردی. 

شاهد لرنینگ بیرگن معلوماتیگه کوره کمپ گه باسیب کیرگن اسرائیل کوچلری, فلسطینلیک لر گه قرشی حقیقی مرمی و کوزه یاشی آقیزوچی گازدن فایده لندی. 

فلسطین اسیرلر کلوبی تامانیدن بیریلگن یازمه بیاناتده, "اسرائیل اردوسی, غربی نوار نینگ بعضی منطقه لری و شهرلریده 15 نفر فلسطینلیک نی قولگه آلدی" دییه قید ایتیلدی.