اسماعیل هنیه: اسرائیل نینگ غزه ده کسلخانه نی بمباردمان قیلیشی بوییچه مسئول امریکا قوشمه ایالتلری

حماس نینگ سیاسی دفتری باشلیغی اسماعیل هنیه, اسرائیل نینگ غزه ده گی الاهلی الباپیست کسلخانه سی نی بمباردمان قیلیشی بوییچه امریکا قوشمه ایالتلری نینگ مسئول ایکن لیگینی بیلدیردی. 

هنیه, اوشبو توغریده ترقه تگن ویدیویی پیامیده, "اسرائیل نینگ خوددی شوو بمباردمانی, دشمن نینگ وحشتی و مقاومت گه قرشی مغلوب بولگن لیگی نی عکس ایتدیرگن مغلوبیت نی اثباتله یدیگن بیر قیرغین دن عبارت" دییه قید ایتدی. 

"اسرائیل نینگ غزه ده گی الاهلی الباپیست کسلخانه سی نی بمباردمان قیلیشی بوییچه مسئول امریکا قوشمه ایالتلریدن عبارت" دییه قید ایتگن هنیه, اوز سوز لرینی, "اوشبو قیرغین, صهیونیست لرنینگ فلسطین نینگ اشغال ایتیلیشی آرتیدن حاضرگی کونگه قدر بولگن قیرغین لری آره سیده اوز اورنی نی آلدی.  بولرنینگ خاصیتی شونده ی. قیرغین قیلیش بولر نینگ خصوصیتی دن عبارت" شکلیده دوام ایتدیردی. 

اسرائیل نینگ ارزش لر و قانون لر گه حرمت کورستمه گن لیگینی بیلدیرگن هنیه, بیر جای نینگ اوزیده کلیسا, مسجد و کسلخانه نی اورگن دشمن نینگ و اونی قاره له مه گن لرنینگ اوشبو قیرغین بوییچه مسئول ایکن لیگی نی معلوم قیلدی. 

"اشغال اداققه ییتگونگه قدر مقاومت نینگ دوام ایته دیگن لیگینی" اورغوله گن هنیه, فلسطین خلقی نی, "غربی نوار و باشقه برچه شهر لر و کوچه لرده اشغالچی لر و ناقل لر گه قرشی مقاومت کورسه تیش گه" چقیردی. 

اسرائیل نینگ غزه ده گی الاهلی الباپیست کسلخانه سینی بمباردمان قیلیشی عاقبتیده 500 کیشی نینگ حیاتینی یوقاتگن لیگی بیلدیریلگن ایدی.