اسرائیل نینگ غزه گه قره تیلگن هجوملریده ییگیرمه توقیز مینگ دن آرتیق فلسطینلیک حیاتینی یوقاتدی

سونگی 24 ساعتده اسرائیل نینگ خلق نی آچگرچیلیک و سووسیزلیککه مجبور قیلگن غزه گه قره تیلگن هجوملریده 103 نفر فلسطینلیک حیاتینی یوقاتدی. 

شونده ی قیلیب اسرائیل نینگ غزه گه قره تیلگن هجوملریده اولدیرگن فلسطینلیک لر سانی 29 مینگ 195 نفر گه ییتدی. 

غزه ده گی فلسطین ساغلیق نی سقلش وزیرلیگی تامانیدن بیریلگن یازمه بیاناتده, اسرائیل نینگ 137 کوندن بیری دوام ایتدیریاتگن هجوملری بیلن علاقه لی معلومات بیریلدی. 

اسرائیل کوچلری نینگ سونگّی 24 ساعتده غزه نواریده ینه 103 نفر فلسطینلیک نی اولدیرگن لیگی معلوم قیلینگن بیاناتده, هجوملرده حیاتینی یوقاتگن لر سانی نینگ 29 مینگ 195 نفر گه ییتگن لیگی بیلدیریلدی. 

سونگّی هجوملرده اسرائیل کوچلری نینگ ینه 142 نفر فلسطینلیک نی یره له گن لیگی و غزه نواریده توپلم یره لنگن کیشی سانی نینگ 69 مینگ 170 نفر گه ییتگن لیگی بیلدیریلگن بیاناتده, حاضر هم ویران بولیب قالگن اوی لر و یول چیککه لریده جسد لرنینگ موجود ایکن لیگی لیکن اسرائیل کوچلری نینگ ممانعتی سببلی ساغلیق نی سقلش تیم لری نینگ جنازه لرنی توپله یه آلمه یاتگن لیگی معلوم قیلیندی.