اسرائیل نینگ غزه گه قره تیلگن هجوملری دوام ایتماقده

اسرائیل اردوسی نینگ, غزه گه قره تیلگن هجوملریده سونگّی 24 ساعتده ینه 96 نفر فلسطینلیک حیاتینی یوقاتدی. 

شونده ی قیلیب 7- اوکتوبر دن بیری دوام ایتیاتگن اسرائیل نینگ هجوملریده حیاتینی یوقاتگن فلسطینلیک لر سانی 29 مینگ 878 نفر گه ییتدی. 

غزه ده گی فلسطین ساغلیق نی سقلش وزیرلیگی تامانیدن بیریلگن یازمه بیاناتده, اسرائیل نینگ 144 کوندن بیری دوام ایتیاتگن هجوملری حقیده معلومات بیریلدی. 

اسرائیل اردوسی نینگ سونگّی 24 ساعتده غزه نواریده اویوشتیرگن هجوملریده 96 کیشی نینگ حیاتینی یوقاتگن لیگی و 172 کیشی نینگ ایسه یره لنگن لیگی معلوم قیلیندی. 

شونده ی قیلیب 7- اوکتوبر دن بیری اسرائیل نینگ غزه گه قره تیلگن هجوملریده 29 مینگ 878 نفر فلسطینلیک نینگ حیاتینی یوقاتگن لیگی و 70 مینگ 215 کیشی نینگ ایسه یره لنگن لیگی بیلدیریلدی. 

عینی دمده بیاناتده, حاضر هم ویران بولیب قالگن اوی لرنینگ تگی و یول چیککه لریده جسد لرنینگ موجود ایکن لیگی و اسرائیل کوچلری نینگ ممانعتی سببلی جنازه لرنینگ توپله نه آلمه یاتگن لیگی معلوم قیلیندی.