لبنان دن اسرائیل گه راکت آتیلدی

لبنان نینگ جنوبی دن اسرائیل نینگ چیگره ده گی کریات شمونه مسکونی نقطه سی گه قره ته راکت هجومی اویوشتیریلدی. 

اسرائیل اردوسی رادیوسی نینگ خبریده, لبنان نینگ جنوبی دن کریات شمونه گه 2 مراتبه راکت هجومی اویوشتیریلگن لیگی بیلدیریلدی. 

مسکونی نقطه لرنینگ هدف قیلیب آلینگن دستلبکی هجومده 4 و ایکّینچی هجومده 10 راکت آتیلگن لیگی بیلدیریلگن خبرده, اوشبو حادثه نینگ جانی خساره گه سبب بولمه گن لیگی و راکت لرنینگ بعضی لری نینگ بوش جای لر گه اصابت ایتگن لیگی معلوم قیلیندی. 

لبنان ده گی حزب الله تامانیدن ایسه اوشبو هجوم بیلن علاقه لی هیچ قنده ی بیر بیانات بیریلمه دی. 

لیکن حزب الله میلادی 2023- ییل 8- اوکتوبر دن بیری چیگره گه یقین موقعیت ده گی مسکونی نقطه لرنی تیز – تیز اوریب تورماقده. 

باشقه بیر تاماندن ایسه لبنان ده ترقه تیلگن خبرلرده, اسرائیل اوروش اوچاق لری نینگ لبنان نینگ جنوبی ده گی چیگره منطقه سیده جایلشگن بیت لیف, کفر حمام و حوله کبی نقطه لر نی بمباران قیلگن لیگی معلوم قیلیندی. 

اسرائیل اردوسی بیلن حزب الله اورته سیده 8- اوکتوبردن بیری چیگره ده یوز بیرگن توقنه شوولرده 219 حزب الله منسوبی, 43 نفر لبنانلیک عادی اهالی, 11 امل حرکتی منسوبی, 12 حماس اعضاسی و 12 اسلامی جهاد منسوبی بیلن اسرائیللیک 6 ملکی و 11 عسکر حیاتینی یوقاتدی.