اسرائیل کوچلری اشغال آستیده گی غربی نوارده فلسطین لیکلر نی قولگه آلیش گه دوام ایتماقده

اسرائیل کوچلری اشغال آستیده گی غربی نوارده اویوشتیرگن باسقینلرده باله لر بیلن بیرقطارده کمیده 35 نفر فلسطینلیک نی قولگه آلدی.

فلسطین اسیرلر جمعیتی بیلن فلسطین قوتیلیش گروهی گه باغلیق اسیرلر و آزاد ایتیلگنلر هیاتی تامانیدن بیریلگن مشترک بیاناتده، 7 اکتوبردن بیری آلیب باریلگن قولگه آلیشلرگه تیگیشلی معلومات بیریلدی.

بیاناتده، اسرائیل کوچلری تامانیدن سونگگی 24 ساعتده  اشغال آستیده گی غربی نوارده اویوشتیرگن باسقینلرده باله لر بیلن بیرقطارده کمیده 35 نفر فلسطینلیک نینگ قولگه آلینگن لیگی معلوم قیلیندی.

اوشبو قولگه آلیشلرنینگ غربی نوارنینگ یاتا، بیت اللهم، جنین و رحم الله شهرلری بیلن بیت المقدس ده یوزبیرگن لیگی قید ایتیلدی.

اسرائیل کوچلری نینگ باسقینلر جریانیده فلسطینلیکلرنی اوروب کلتکله گن لیگی، اوی – جایلری و موترلریگه زیان ییتکیزگن لیگی تاکییدلندی.

اشغال آستیده گی غربی نوار و بیت المقدس ده 7 اکتوبردن بیری قولگه آلینگن فلسطینلیک سانی نینگ 7 مینگ 305 گه ییتگن لیگی بیلدیریلدی.

اسرائیل اردوسی غربی نوارگه قره ته هجوم گه باشله گن 7 اکتوبردن بیری اشغال آستیده گی غربی نوار و بیت المقدس ده فلسطینلیکلرنی قولگه آلیش گه دوام ایتماقده.