اسرائیل نینگ هجوملریده ینه اونلب فلسطینلیک حیاتینی یوقاتدی

اسرائیل اردوسی نینگ, اشغال قیلگن غزه نواری نینگ فرقلی منطقه لریده گی مسکونی نقطه لر گه قره تیلگن هجوملریده ینه کمیده 30 نفر عادی اهالی حیاتینی یوقاتدی. 

فلسطین رسمی خبر آژانسی وفا نینگ بیرگن خبریده, اسرائیل نینگ, غزه نواری نینگ اورته قسمیده جایلشگن نصیرات و بریج مهاجر لر کمپی نی بمباران قیلگن لیگی بیلدیریلدی. 

اوشبو کمپ لر گه قره تیلگن هجوملرده حیاتینی یوقاتگن 25 نفر فلسطینلیک نینگ کوپچیلیگی نینگ باله لر و عیال لردن عبارت ایکن لیکلری معلوم قیلیندی. 

اسرائیل اوروش اوچاق لری تامانیدن بمباران قیلینیب ویران بولگن اوی لرنینگ تگیده قالگن کوپلب فلسطینلیک نینگ جسدی نینگ حاضر هم حادثه محلی دن چیقریله آلمه گن لیگی بیلدیریلدی. 

عینی دمده اسرائیل اردوسی نینگ غزه نواری نینگ جنوبی ده گی خان یونس شهرینی توپ بیلن اوریشی عاقبتیده 5 نفر فلسطینلیک نینگ حیاتینی یوقاتگن لیگی معلوم قیلیندی. 

اسرائیل نینگ 7- اوکتوبر دن بیری غزه نواریده دوام ایتیاتگن هجوملریده 29 مینگ 954 نفر فلسطینلیک حیاتینی یوقاتدی و 70 مینگ 325 کیشی ایسه یره لندی.

اولدیریلگن اوشبو فلسطینلیک لرنینگ کمیده 12 مینگ 660 نفری نینگ باله لر و 8 مینگ 570 کیشی سی نینگ ایسه عیاللردن عبارت ایکن لیک لری معلوم قیلیندی. 

ویران بولیب قالگن اوی لرنینگ تگیده مینگلب جسد نینگ موجود ایکن لیگی معلوم قیلینرایکن, عادی اهالی نینگ قاچیب باریب جایله شیب آلگن کسلخانه لر و تعلیمی مرکز لر هم اوریلیب ویران قیلینماقده.