تورکیه جمهور باشلیغی ایردوغان حماس نینگ ییتکچیسی هنیه گه قیغوداشلیک بیلدیردی

تورکیه جمهوریتی جمهور باشلیغی رجب طیب ایردوغان حماس نینگ سیاسی دفتری ییتکچیسی اسماعیل هنیه بیلن تیلفون سوزلشووی اوتکزدی. هنیه گه اوچ باله سی و اوچ نبیره سی نینگ اسرائیل نینگ هجوملریده شهید بولیشی طفیلی قیغوداشلیک بیلدیردی.

اسرائیل رمضان بیره می مناسبتی طفیلی الشاطی قاچقینلر کمپی مسکونیلری و قرینداشلری بیلن بیره ملشیش اوچون بارگن حماس نینگ سیاسی دفتری رهبری اسماعیل هنیه نینگ عایله سیدن کوپلب کیشی بولمیش موترنی نشان آلیب اوردی.

خوددی شو هجوم عاقبتیده موترده گی برچه نینگ اولیب یره لنگن لیگی معلوم قیلیندی.

ساغلیکنی سقلش وزیرلیگی منبعلری، اوشبو هجوم عاقبتیده هنیه نینگ هاضم، امیر و محمد آتیده اوغیللری بیلن بعضی بیر نبیره لری نینگ حیاتینی یوقاتگن لیگینی بیلدیردی.

تورکیه جمهوریتی علاقه باشقرووی تامانیدن بیریلگن بیاناتگه کوره، جمهور باشلیغی رجب طیب ایردوغان حماس نینگ سیاسی دفتری ییتکچیسی اسماعیل هنیه گه اوچ باله سی و اوچ نبیره سی نینگ اسرائیل نینگ هجوملریده شهید بولیشی طفیلی قیغوداشلیک بیلدیرگن.

جمهور باشلیغی ایردوغان هنیه بیلن اوتکزگن سوزلشوویده اسرائیل قول اورگن انسانلیک جرملری نینگ حسابینی قانون قاشیده کیسکین اوله راق بیره جگینی تیلگه آلگن.