Süriyädäge açlıq - BMO kön tärtibendä

Süriyädä qamaw astındağı şähärlärdä ülemgä etärelgän keşelärneñ draması waqiğa şahitları tarafınnan BMO kön tärtibenä kiterelde.

BMO panelendä çığış yasawçı süriyäle jurnalist Kusayr Zäkäriyä başqala Dimäşqqä yaqın urnaşqan Mudamiya şähärendä kürgännären añlattı.

Mudamiyada rejimğa qarşı rizasızlıq belderü çaraları başlanğaç xökümätneñ Mudamiya xalqına höcüm itüen belderüçe jurnalist, protest çaraları tuqtamağaç şähärneñ qamap alınuın belderde.

Qamalışnıñ bişençe ayında öylärdäge aşaw-eçü äyberläreneñ betüen añlatuçı Zäkäriyä, şähärgä azıq-tölek, daru häm barlıq yärdämnär kertügä röxsät birelmäwen, näticäda açlıq başlanuın assızıqladı.

Jurnalist keşelärneñ açlıqtan ağaç qabıqları aşawın belderde.

Äsäd başqarğan suğış cinayätlären taswirlaw öçen süzlär tabılmawın äytüçe Zäkariyä, ilbaşı Bäşar Äsädneñ xalıqara cäza mäxkämäsendä xökemgä tartıluı kiräklegen belderde häm böten dönyanı üzlärenä yärdäm itärgä çaqırdı.