Äfganstanda su basu fäläkäte
Baghlan vilayätendä köçle yañğırlar näticäsendä barlıqqa kilgän su basuda ülüçelär sanı 70 dän arttı
86512
Äfganstanda su basu fäläkäte küzätelä.
İlneñ tönyağındağı Baghlan vilayätendä köçle yañğırlar näticäsendä barlıqqa kilgän su basuda ülüçelär sanı 70 dän arttı.
800 dän kübräk yort cimerelgän fäläkättä ülüçelär sanınıñ arta aluı borçı tudıra.
Baghlan vilayätendä 38 awıl su astında qaldı.
Toraq punktlar aşa ağuçı yılğada mäyetlär yözüe , balçıq-läm qatlamı astında da mäyetlär buluı belderelä.
Töbäktä yözlärçä keşedän xäbär alına almıy.
Räsmi zatlar öylärneñ cimerelüen , eçärgä yaraqlı su bulmawın , xalıqqa azıq-tölek ireşterü öçen eşçänlek başqaruların citkerä.
Fäläkät töbägenä yaqın ber awılda da uzğan ay su basu häm cır ubılu barlıqqa kilgän, 300 keşeneñ ğomere özelgän ide.
