İran AQŞ belän söyläşü östäle artına utıra

İran atom-töş söyläşülärennän elek Amerika Quşma Ştatları belän berençe tapqır söyläşü östäle artına utıra.

Söyläşü tışqı eşlär ministrları däräcäsendä bulaçaq.

İran belän Berläşkän Millätlär Oyışmasınıñ 5 daimi äğzası häm Germaniya arasındağı bişençe tur söyläşülär 16-17 nçe iyün könnärendä Venada uzaçaq.

Vena söyläşülärennän elek İran belän AQŞ diplomatik barışnı tizlätü öçen ayırım söyläşü ütkärü qararına kilde.

Bu maqsatnı küzdä totıp Amerika Quşma Ştatları däwlät särqätibe urınbasarı Bill Burnsnı  Jenevağa cibärä.

Jenevada İrannı tışqı eşlär ministrı urınbasarı Abbas Arakçı wäkillek itä.

Amerika räsmi zatları atom-töş söyläşülärendä kritik etapqa kilenüen , şuña kürä tağın da aktiv diplomatiya alıp baru kiräklegenä basım yasıy.

Söyläşülärdä İrannıñ atom-töş programmasın çikläwe häm moña cawap bularaq İranğa qarata qullanılğan sanktsiyälärne beterü turında süz bara.