Sisi ant itte
Ant itü tantanası Qahirädäge Konstitutsion mäxkäma binasında uzdı
Misırda tüntäreleştän soñ ütkärelgän ilbaşı saylawında cüñügä ireşkän elekke saqlanu ministrı Abdulfättah äs-Sisi 8 nçe iyündä ant itte.
Başqala Qahirädä Konstitutsion mäxkäma binasında ütkärelgän ant itü tantanası milli gimn häm Qor’än Kärim uqu belän başlanıp kitte.
Konstitutsion mäxkämä başlığı wäkilläreneñ çığışınnan soñ äs-Sisi ğomum şura äğzaları qarşında ant itte.
Ant itü tantanasında tüntäreleştän soñ waqıtlıça ilbaşı wazifasın başqaruçı Adli Mansur, premyer-ministr İbrahim Mihlip, kabinet äğzaları häm başqa räsmi zatlar qatnaştı.
Tüntäreleşkä qarşı buluçılar ilneñ küp kenä urınında ant itü tantanasına rizasızlıq belderep uramnarğa çıqtı.
Protest çaraları ant itü tantanası belän ber ük waqıtta ütkärelde.
Sisine ilbaşı bularaq tanımawları turında şiğärlär kütärüçe rizasızlıq belderüçelär , legal ilbaşı bularaq Mursinıñ wazifasına kire qaytuın taläp itte.
