Jurnalistnı üterüçelär ğomer buyı törmädä yataçaq

2006nçı yılda xatın-qız tikşerenüçe jurnalist Anna Politkovskayanı üterüdä gäyeplängän 2 keşe ğomer buyı törmä, 3 keşe isä 12 yıl belän 20 yıl arasında törmä cäzalarına xökem itelde.

Tikşerenüçe jurnalist häm keşe xoquqları yaqlawçısı 48 yäşendäge Anna Politkovskaya Mäskäwdä 2006nçı yılnıñ üktäbr ayında supermarkettan öyenä qaytqan çaqta podyezdı aldında atıp üterelgän ide.

Bilgele ber waqıttan birle Rusiyä citäkçelegeneñ Çäçänstanda yasağan keşe xoquqların bozu oçraqların tikşergän, qanunsızlıqnı, korruptsiyäne faş itkän Politkovskayanıñ üterelüe barı tik Rusiyä Federatsiyäsendä genä tügel, xalıqara cämäğätçelektä dä reaktsiyägä yul açqan ide.

Yıllar buyı alıp barılğan tikşerü näticäsendä çığışı belän Çäçänstannan bulğan 5 keşen gäyeple dip tapqan mäxkämä xökemen açıqladı.
Atıp üterüçe höcümçe belän üterü höcümen planlaştıruçı ätiseneñ bertuğanın ğomer buyı törmä cäzasına xökem itkän mäxkämä yärdäm itkän qalğan 3 keşene cämğise 20 yılğa xätle törmä cäzası belän cäzalandırdı.

Xalıqara yarlıqaw oyışması monnan elek yasağan belderüendä üterü cinayäten oyıştıruçılar bilgelänmi torıp ğädälätneñ urnaşmayaçağın açıqlağan ide.