Dön’yanıñ iñ köçle liderı bularaq Vladimir Putinnı atağannar

Germaniya, Franśiya häm İtaliya xalqı dön’yanıñ iñ köçle liderı itep Vladimir Putinnı atağan. Franśuz soraştıru oyışmasınıñ anketalawında 18 yäş’tän zur 5 meñnän artıq keşe qatnaşqan. Tikşerüne Awrupanıñ möhim illäre Germaniya, Franśiya, İtaliya, Angliyä häm AQŞta uzdırğannar. Anketanıñ näticäläre bu könnärdä basılıp çıqtı. Aña qarağanda, nemeślarnıñ häm franśuzlarnıñ 34%ı, ital’yannarnıñ 38%ı dön’yanıñ iñ köçle liderı bularaq Putinnı atağan. Bu san Angliyada 26%, AQŞta isä 23% bulğan.

Amerika ilbaşı Donal’d Tramp “köçlelär isemlege”ndä ikençe. Öçençe urında – Qıtay däwlät başlığı Si Śzin’pin, dürtençedä- Germaniya kanślerı Angela Merkel’.

Şunısı qızıq, Putinnı köçle lider dip sanawçılarnıñ kübese xatın-qız.