Ukrainada kümäk qaberlek tabıldı

Ukraina däwlät başlığı Volodimir Zelenskiy yaqınça ber atna êlek Rusiyä köçlärennän kire alınğan Xar’kov töbägendäge İzyum şähärendä kümäk qaberlek tabıluın belderde. Ul sośial’ mediada yazğança, waqıyğa urınında tikşerü bara.

Zelenskiy xalıqara häm ukrain jurnalistlarnıñ bügen İzyumğa baraçağın citkerde. “Dön’yanıñ monda nilär buluın häm Rusiyä basıp alularınıñ närsägä kiterüen kürüen telibez. Başta - Buça, annarı - Mariupol’, xäzer - İzyum. Rusiyä här cirdä ülem qaldıra. Monıñ öçen cawap birergä tiyeşlär,”-dide Zelenskiy.

Ukraina saqlanu ministrlığınıñ Twitter akkauntında yasalğan belderüendä İzyumda tabılğan kümäk qaberlektän 440 keşeneñ üle gäwdäse çığuı äytelä.