AQŞta yäş' ir-atlarnıñ 63%ı buydaq
“The Hill” internet portalınıñ törle anketa näticälärenä tayanuçı xäbärendä AQŞta yäş’ ir-atlar häm xatın-qızlarnıñ sośial’ xäle qaraldı
Amerika Quşma Ştatlarında yäş’ ir-atlarnıñ 60%ınnan kübräge buydaq tormış alıp bara, xarın-qızlarda isä bu kürsätkeç alarnıñ yartısı qadär.
“The Hill” internet portalınıñ törle anketa näticälärenä tayanuçı xäbärendä AQŞta yäş’ ir-atlar häm xatın-qızlarnıñ sośial’ xäle qaraldı.
Yäş’läre 18 belän 29 arasındağı köçle zatlarnıñ 63%ı buydaq, şul uq yäş’ törkemendäge xatın-qızlarda bu san - 34%.
Xäbärdä äytelgänçä, bigräk tä koronavirus krizisı çorında yäş’lärneñ “êşsezlek” häm “yalğızlıq” däräcäsendä tarixi artu kürengän, sośial’ tirälektä borçuğa saluçı tarayu barlıqqa kilgän. Monıñ yoğıntısında kübräk yäş’ ir-atlar qalğan.
Akron universitetınıñ psixologiyä professorı Ronal’d Levant xatın-qızlarnıñ, ir-atlarğa qarağanda, êmośional’ yaqtan tağın da ciñelräk êlemtä qora aluın belderä.
Xäbärdä assızıqlanğança, AQŞtağı yäş’ ir-atlar kiçerüçe sośial’ qubu üz-üzeñä qul salu däräcäseneñ, xatın-qızlar belän çağıştırğanda, 4 tapqır kübräk buluı belän dä bäyläneşle bula ala. Şul uq waqıtta ildäge massaküläm qorallı höcümnärneñ barısın diyärlek yäş’ ir-atlar başqaruına da iğ’tibar cälep itelä.
Bäyläneşle xäbärlär
İke zuq qara tişekneñ berläşüe açıqlandı
Alarnıñ berse Qoyaştan 50 million tapqır zur, ikençese dä aña yaqın zurlıqta