"Togg" - dön'ya matbuğatında

Türkiyäneñ “Togg” cirle avtomobile texnologiya dön’yasınıñ iğ’tibarın cälep itä.

Amerika “MIT Tecnology Review” jurnalı “Togg”nı Türkiyäneñ kiläçäk iq’tisadi üseşeneñ simvolı dip atadı.

Jurnaldağı mäqalädä “Togg” avtomobilenä zur qızıqsınu kürsätelüe, 180 meñgä yaqın zakaz birelüe, berençe maşinanıñ ilbaşı Räcäp Tayyip Ärdoğanğa tapşırıluı añlatıla.

Mäqaläne yazğan Zeyi Yang bilgeläp uzğança, Türkiyä häm Qıtay êlektr maşinalarına qarata oxşaş adımnar yasıylar.

İke il şaqtıy mäs’älädä iq’tisadi xezmättäşlek tä başqara.

Yang êlektrlı maşina citeşterüneñ qıyınlığına häm bu yaqtan iñ möhim adımnıñ batareya citeşterü buluın assızıqlıy.

Mäqalä avtorı Türkiyäneñ bu yünäleştä möhim adım yasawın, Gäbzädä “Togg” häm Qıtaynıñ “Farasis”ı belän berlektä batareya êşxanäse buldıruın iskärtä.

Yang Amerika Quşma Ştatları belän mönäsäbätläre kiyerenke bulğan Qıtaynıñ Awrupa häm başqa bazarlarğa kerü öçen Türkiyä belän partnyerlıq üsterüenä basım yasıy.