Kovid -19 pandemiyäse çorında balalar vakśinalarına ışanıç kimegän

Berläşkän Millätlär Oyışmasınıñ Balalarğa yärdäm itü fondı YUNİSEF beldergänçä, Kovid -19 pandemiyäse çorında dön’ya külämendä balalar vakśinalarına ışanıç kimegän.

Bu xaqta YUNİSEFnıñ “Dön’ya balalarınıñ torışı 2023: här balağa privivka” isemle xisabında äytelä.

Xisap bilgeläp uzğança, 2019 – 2021 nçe yıllarda 67 million balanıñ barlıq privivkaları yasalmağan bulsa, 48 million balağa bötenläy privivka yasalmağan.

Xisapta balalarnı vakśinaśiyäläw däräcäläreneñ kimüendä sälamätlek saqlaw sistemalarınıñ basım astında buluı, çığanaqlarnıñ azayuı yäisä başqa urınnarğa küçerelüe, bäreleşlär häm ışanıçnıñ kimüe kebek faktorlar kürsätelä. Kovid -19 çorında balalar privivkalarına ışanıçnıñ 44%qa kimüe äytelä.

Tikşerenülär ütkärelgän 55 ilneñ 52sendä balalar privivkalarınıñ möhimlegen añlaw häm alarğa ışanıç kimegän.

YUNİSEF başqarma direktorı Kêtrin Rassel bu xälneñ qurqınıç buluına basım yasap, ul däwam itsä, privivka belän kisätep bula torğan awırularnıñ balalar ülemenä kiterä alaçağın iskärtte.