Olaf Şol’ś (Шольц) BMOnıñ reforma ütkärüe yaqlı

Germaniyä kanślerı (кaнцлeры) Olaf Şol’ś (Шольц) BMOnıñ 78nçe ğomum şurasında yasağan çığışında oyışmanıñ “status-kvoğa bäyle bulmasqa häm kiläçäkneñ awırlıqlarına yünälergä” kiräklegen belderde. Anıñça, BMOnıñ küpqırlı dön’ya çınbarlığın niçek çağıldırırğa tiyeşlege – möhim temalarnıñ berse.  

“Xäzergä qadär monı citärlek däräcädä êşlämi. Bu başqa ber urında da İminlek şurası strukturasındağı şikelle ayırmaçıq tügel. Şul säbäple, daimi äğ’zalarnıñ öçesen dä kertep, torğan sayın kübräk xezmättäşneñ reforma mäs’äläsendä alğa taba barırğa teläwlären citkerülärenä qanäğat’lek xis ittem,”-dide Şol’ś.

Kanśler (кaнцлeр) BMOda Afrika, Aziya häm Latin Amerikasınıñ tağın da zurraq urın alırğa tiyeşlegen äytep: “Axır çiktä, İminlek şurasına reforma ütkärü turında qarar çığaru Ğomum şuranıñ qulında,”- dide.

Olaf Şol’ś (Шольц) äytüençä, 50 yıl êllekege belän çağıştırğanda, bügen dön’yada ike tügel, bik küp köç üzäge bar. “Küpqırlılıq yaña tärtip tügel. Keçkenä illärneñ zur däwlätlärneñ artqı baqçası buluın uylawçılar yalğışa,”-dide Germaniya kanślerı.