Ğazzädä ülüçelär arta

Ğazzä sızıqğında İzrail höcümnärendä ülgän fälästinlelärneñ sanı 376ğa arttı häm 15 meñ 899ğa citte. Yaralılar isä 42 meñnän artıq.

Ğazzädäge sälamätlek saqlaw ministrlığı 7nçe oktyabr’dän birle İzrail köçläre açqan utta ğomere özelüçelärneñ 70%ı xatın-qızlar häm balalar buluın citkerde.  

İsegezgä töşeräbez, “Xamas”nıñ xärbi bülege “Qassam batal’yonnarı” 7nçe oktyabr’dä İzrailgä qarşı “Aqsa tufanı” dip ataluçı külämle höcüm başlawın iğ’lan itte. İzrail armiyäse isä moña cawap itep xärbi oçqıçlar belän Ğazzä sızığında “Timer qılıçlar” xäräkäte başlawın belderde.