Kovid -19 çaraları qabat ğamälgä kerä
İndoneziyädä qayber xalıqara aêroportlarda häm portlarda cılılıq kameraları belän tän temperaturasın ülçäw yaňadan başlanğan
İndoneziyädä Kovid -19 oçraqları artqannan soň qayber xalıqara aêroportlarda häm portlarda cılılıq kameraları belän tän temperaturasın ülçäw yaňadan başlanğan.
“The Straits Times” gazetı xäbärenä qarağanda, sälamätlek saqlaw ministrlığı 8 nçe dekabr’dä Singapur, Malayziya, Filippin häm İndoneziyädä Kovid -19 oçraqlarınıň artuı turında kisätkän häm êpidemiya taraluın totqarlaw öçen qayber çaralar kürelüen beldergän.
Ministrlıq bu qısada qayber aêroportlarda häm portlarda, ayıruça Djakarta häm Sukarno-Xatta xalıqara hawa mäydanında yulçılarnıň tän temperaturaların cılılıq kameraları belän ülçi başlayaçaqların citkergän.
Räsmi zatlar beldergänçä, mondıy kameralar urnaştırılğan tikşerü punktlarında awırtu bilgeläre bulğan keşelärgä Kovid-19 çaraları küreläçäk.
Ministrlıq şulay uq Kovid-19 çaraları qısalarında xalıqnı ikençe doza vakŝinaların yasatırğa, bitlek kiyärgä, qullarnı yuarğa häm awırğan oçraqta öydä qalırğa çaqırğan.
Bäyläneşle xäbärlär
İke zuq qara tişekneñ berläşüe açıqlandı
Alarnıñ berse Qoyaştan 50 million tapqır zur, ikençese dä aña yaqın zurlıqta