Fälästindä yaña xökümät ant itte

Fälästindä Möxämmät Mostafa citkäçelegendäge yaña xökümät Ğazzäneñ “idaräse programması belän” däwlät başlığı Mäxmüt Abbas qarşında ant itte. Êlekkege xökümät räise Möxämmät İştiyyä 2019nçı yıldan birle başqarğan wazıyfasınnan 26nçı şubatta kitüen belderde.

İlbaşı Mäxmüt Abbas yaña xökümätneñ wazıyfasınıñ, Yordannıñ basıp alınğan Könbatış üzänlegennän tış, Qudüsneñ könçığışın häm Ğazzä sızığın da üz êçenä aluın, ğamällären xoquq qısalarında cirenä citkerü mäs’äläsendä tulı köçkä iyä buluın belderde. “Säyäsi maqsatıbız bäysezlekkä, irekkä ireşü häm basıp aludan qotılu. Şul uq waqıtta, Fälästin däwläteneñ BMOda tulı äğ’za buluı öçen ğaräp dön’yası häm xalıqara yaqlar belän bergä êşläyäçäkbez”,-dide Abbas. Ul yaña xökümätneñ Fälästinneñ barlıq töbäklärendä ğomumi häm ilbaşı saylawları oyıştırığa äzerlänergä tiyeşlegen äytte.

Fälästin idaräse ğomumi saylawlarnıñ 2021nçe yılda uzaçağın beldergän ide. Tik İzrail moña röxsät birmäde.

Fälästindä ğomumi saylawlar axırğı tapqır 2006nçı yılda buldı.