AQŞta islamofobiya rekord yasadı

Amerika Quşma Ştatlarında uzğan yıl islamğa qarata doşmanlıq şiqayät’läre rekord däräcägä citte. İlneñ möselmannar xoquqın yaqlawçı iñ zur ictimağıy oyışması Amerika-İslam mönäsäbätläre şurası monıñ belän bäyle xisap çığardı.

Andağı mäğ’lümatlarğa qarağanda, 2023nçe yılda AQŞta möselmannar häm fälästinlelärgä qarşı höcümnär häm diskriminaśiyä, İzrail - “Xamas” arasındağı bäreleşlär täêsirendä dä, rekord kürsätkeçlärgä citkän. İslamofobiyä şiqayät’läre, annan aldağı yıl belän çağıştırğanda, 56%qa kübäygän. Bu 8 meñ 61 möräcäğat’ digän süz. Älege san Amerika - İslam mönäsäbätläre şurasınıñ 30 yıl êlek mäğ’lümatlarnı terki başlawınnan birle iñ yuğarı kürsätkeç. Şiqayät’lärneñ 3 meñ 600e oktyabr’dän dekabr’gä qadär bulğan. Xisapta äytelgänçä, islamofobiyäneñ artuında İzrail belän Fälästin arasındağı waqıyğalar zur rol’ uynıy.