İzraildä protestlar däwam itä

 İzraillelär il külämendä qabat uramnarğa çığıp Ğazzä sızığında utnı tuqtatu, totqınnar kileşüe äzerläw häm prem’yer-ministr Netan’yaxu xökümäteneñ êştän kitüen taläp itkännär.

Tel’ – Avivta cıyılğan protestçılar Ğazzädä utnı tuqtatu çaqırun yañartqannar, Netan’yaxunı êşennän azat itüne häm waqıtınnan êlek saylaw ütkärüne sorağannar.

Xayfa şähärendä cıyılğan meñlägän keşe Netan’yaxu xökümäteneñ wazıyfasınnan kitüen taläp itep rizasızlıq beldergännär.

İzrailneñ êlekkege prem’yer-ministrı häm töp oppoziśiya liderı Yair Lapid biredä çığış yasap bolay digän:

”Bu xökümät däwlät tügel. Bu xakimiyät däwlät öçen afät. Bezgä xäzer totqınnarnı, xärbilärne, êvakuaśiyälängän keşelärne häm İzrail däwläten qotqaru öçen saylaw ütkärergä kiräk”.

Tön’yaqtağı Kesariya qalasında Netanyaxunıñ şäxsi yortı yanında da meñnän artıq protestçı cıyılğan.

Alar xökümätneñ êştän kitüen häm Ğazzä sızığındağı totqınnarnı kire qaytaru turında tiz arada kileşügä qul quyunı taläp itkännär.