Avtobus divarğa kilep bärelde

Nigeriyada kontrol’dän çıqqan avtobus divarğa bärelde. Hälakättä 16 keşeneñ ğomere özelde. Waqıyğa ilneñ kön’yaq-könçığışındağı Ênugu töbägendä bula.

Cirle poliśiya idaräse süzçese Daniêl’ Ndukve citkergänçä, avtobus çiktän tış zur tizlek belän barğan häm kontrol’dän çığıp ber yortnıñ taş kirtäsenä bärelgän. Hälakättä ülüçelärdän tış yaralanuçılar da şaqtıy. Alarnıñ qayberläreneñ xäle bik awır. Şuña ülüçelär sanı artaçağına borçılalar.