AQŞ universitetlarında bäreleşlär
Fälästingä teläktäşlek çaralarında 2 atnada kimendä 2 meñ keşe saq astına alındı
Amerika Quşma Ştatlarında universitet kampuslarında oyıştırılğan Fälästingä teläktäşlek çaralarında 2 atnada kimendä 2 meñ keşe saq astına alındı.
AQŞnıñ iñ abruylı uqu yortların da kertep distälärçä universitetta 18nçe aprel’dän birle İzrailneñ Ğazzädäge grajdanlılarğa qarata höcümnärenä protest belderelä. Alar uqu yortları idaräse häm poliśiyäneñ köçle basımı belän tarqatıla. Kaliforniyadağı universitet kampusları axırğı täwleklärdä iñ nıq xäräkätlelek küzätelgän protest mäydanı ide.
Los-Anjeles Kaliforniya universitetında maxsus poliśiyä berlekläreneñ studentlarğa qarşı tıqşınuı butalçıqlıqlar kiterep çığardı. Anda kimendä 200 keşe saq astına alına. Poliśiyä idaräse alarnıñ Los-Anjelestağı törmädä totıluın belderde.
N’yu-Xêmpşir, Tön’yaq Arizona häm Tulane universitetlarında da protest lager’ları taratıldı, studentlar izolyatorğa yabıldı.
Ğazzägä teläktäşlek lağer’larınıñ berençese bulğan N’yu-Yorknıñ Kolumbiya universitetınnan soñ Siti Kolledj, Stoni-Bruk, Buffalo häm Fordêm universitetlarındağı protestlarda qatnaşuçular da poliśiyäneñ kisken tıqşınuı arqasında taratıldı.
