Höcümnär däwam itä: yuğaltular arta
Alarnıñ sanı 34 meň 622gä citkän
İzrailneñ Ğazzä sızığına däwam itkän höcümnärendä ğomere özelgän fälästinlelärneñ sanı 34 meň 622gä citkän.
Ğazzädäge Fälästin sälamätlek saqlaw ministrlığı 7 nçe oktyabr’dän birle barğan höcümnär belän bäyle mäğ’lümatlar citkergän.
Belderüdä äytelgänçä, İzrail armiyäseneñ soñğı täwlektäge höcümnärendä tağın 26 fälästinleneñ ğomere özelgän, 51 fälästinle cäräxätlängän.
Şulay itep 210 kön däwam itkän höcümnärdä ğomeren yuğaltqan fälästinlelärneň sanı 34 meň 622 bulğan, 77 meň 867 keşe yaralanğan.
Berläşkän Millätlär Oyışmasınıñ Yaqın Könçığıştağı fälästinle qaçaqlarğa yärdäm itü häm tözekländerü agentlığı belderğüendä bolay diyelä: “Ğazzädä 10 meñnän artıq xatın-qız üterelde, 19 meñnän artığı yaralandı. Kön sayın 37 bala änisen yuğalta. Xäl bik qurqınıç. 155 meñnän artıq yökle häm imezüçe analarnıñ su häm gigiyena äyberlärenä ireşü mömkinlege çiklängän”.
