AQŞ İzrailgä qoral cibärüen tuqtattı
Bu - Ğazzägä höcümnär başlanğan 7nçe oktyabr’dän birle täwge şundıy oçraq
Amerika Quşma Ştatları ilbaşı Djo Bayden idaräseneñ uzğan atnada İzrailgä cibäreläse qorallarnıñ täêminatın tuqtatuı belderelde.
“Axios” internet säxifäseneñ iseme belderelmägän 2 İzrail wäqalätleseneñ süzlärenä tayanuçı xäbärenä qarağanda, bu Ğazzägä höcümnär başlanğan 7nçe oktyabr’dän birle täwge şundıy oçraq. Älege xäl Tel’-Aviv idaräsen tirän borçuğa salğan.
Xäbärdä uzğan atnada İzrailgä säfär yasağan AQŞ däwlät särqatibe Êntoni Blinken belän İzrail xökümäte räise Bin’yamin Netan’yaxu arasında Räfaxqa cirdän höcüm ixtimalı mäs’äläsendä kisken söyläşü buluı xäterlätelde.
AQŞ Kongressında Demokratik partiyäneñ 88 äğ’zası İzrailneñ fälästinlelärgä gumanitar yärdäm iltüne maxsus kirtäläwe belän bäyle ışandırırlıq dälillär barlığın äytte häm İzrailgä yärdämnärne küzdän kiçerergä çaqırdı.
