AQŞ universitetlarında qulğa alular
Uqu yortlarında Fälästingä teläktäşlek çaraları atna axırında da däwam itte
Amerika Quşma Ştatları külämendä universitetlarda oyıştırılğan Fälästingä teläktäşlek çaralarında yaqınça 2 meñ 500 keşe saq astına alındı. Älege sannarnı “Fox News” kanalı citkerde.
AQŞta universitetlarda kiläse atnada çığarılış tantanaları uzaçaq. Şuña qaramastan, Fälästingä teläktäşlek çaralarınıñ däwam itüe kötelä.
Çikağo şähärendäge DePol universitetında kiçä Ğazzäne yaqlawçı studentlar belän qarşı fikerlelär arasında kiyerenkelek çıqtı.
Şarlottsvill şähärendäge Virdjiniya universitetında şimbä könne bulğan rizasızlıq çarasında Fälästinne yaqlawçı 25 qatnaşuçını poliśiyä alıp kitte.
Kön’yaq Kaliforniya universitetında isä kiçä Los-Anjeles poliśiya departamentı xezmätkärläre Fälästingä teläktäşlek birüçe studentlarnı yıraqlaştırıp, alar qorğan lager’nı yuq itte.
