Ärbildäge yanğında 300 kibet yandı

Ğıyraqnıñ Ärbil şähärendä tarixi Kayseri bazarında çıqqan yanğında 300 kibet kölgä äwerelde. Utnıñ närsädän başlanuı bilgele tügel. Tik anıñ tegüçelärneñ atel’yeları urnaşqan poçmaqtan çığuın açıqlağannar.

Tarixi bazar tötengä kümelgändä iminlek köçläre anıñ tiräsendä qurqınıçsızlıq çaraları oyıştırdı.

Yanğın sünderüçelär ozaq waqıt tırışqannan soñ utnı kontrol’ astına aldı. Kibet xucalarına yanğın bulğan mäydanğa kerergä röxsät birmilär.

Töbäktäge iñ zur bazarlarnıñ berse bulğan häm Ğosmanlı çorında tözelgän bazarnıñ 200 yıllıq tarixı bar. Anda meñnärçä êş urını urnaşqan bula.