Ğazzädä 10 meñnän artıq keşe cimereklär astında
Xezmätkärlär häm cihazlar citmäw arqasında êzläw-qotqaru êşçänlekläre 2-3 yıl däwam itärgä mömkin
İzrailneñ 7nçe oktyabr’dän birle Ğazzä sızığına höcümnärendä cimereklär astında qalğan 10 meñnän artıq keşeneñ yuğalğan sanaluı belderelde. Cirlektäge grajdannar saqlanu idaräse bu xaqta yazmaça xäbär itte.
Êzläw-qotqaru törkemnäre cimereklär astındağı bik küp keşene çığara almıy. Şuña kürä alar sälamätlek saqlaw ministrlığınıñ tulayım ülüçelär sanına da kertelmi. Ägär Ğazzädä yuğalğan keşelärne dä kertep isäpläsälär, ülüçelär 44 meñnän artıp kitä.
Belderüdä äytelgänçä, xezmätkärlär häm cihazlar citmäw arqasında êzläw-qotqaru êşçänlekläre 2-3 yıl däwam itärgä mömkin. BMO wäqalätleläre Ğazzä sızığında İzrail höcümnärennän soñ kimendä 37 million tonna cimereklär qaluın farazlıy.
Meñnärçä mäyetneñ cimereklär astında çerüe arqasında kizü xastalıqları taraluı turında kisätü yasaldı. Cäyge aylarda temperatura artu xälne tağın da möşkelländerergä mömkin.
