Su basu qorbannarınıñ sanı artqan
Alarnıñ sanı 76ğa citkän
Braziliyäneñ kön’yağındağı Riu - Grandi- du - Sul ştatında köçle yawım-töşemnär kiterep çığarğan su basudan ğomerlären yuğaltqan keşelär sanı 76ğa, yuğalğannar sanı 103kä citkän.
Bu xaqta ştatqa bäyle Grajdannar saqlanu bülekçäse xäbär itä.
İkençe tapqır afät töbägenä kilgän ilbaşı Luiz İnasiu Lula da Silva töbäkkä gumanitar yärdäm kürsätüdä bernindi kirtä yuqlığın beldergän.
Cirle matbuğat xäbär itkänçä, su basudan 421 meñ keşe zıyan kürgän, 115 qasabada telefon häm internet xezmätläre kürsätelmi.
Öylär häm cir mäydannarı su astında qalğanğa meñlägän keşe yäşägän cirlärennän kitkän.
Riu- Grandi- du - Sul ştatı gubernatorı Êduardo Leyt 3 nçe mayda yasağan belderüendä “Bez ğadättän tış xäl kiçeräbez, bu däwlät tarixında iñ ayanıçlı waqıyğa” dip belderep, êzläw - qotqaru êşläreneñ däwam itüen äytkän ide.
Leyt faciğanıñ zurlığı arqasında 180 könlek afät torışı iğ’lan itülären, xalıqnı êvakuaśiyäläw öçen zur köç quyuların citkergän ide.