281 million keşe - möhacir

Dön’yada 281 million xalıqara migrant buluı, yäşägän cirennän quılğannarnıñ sanınıñ 117 millionğa citüe belderelde. BMOnıñ Xalıqara migraśiya oyışması 2024nçe yılğı xisabın çığardı.

Xisapta äytelgänçä, xalıqara migraśiya gumanitar üseş häm iq’tisadi alğarışnıñ êtärgeç köçe bulıp qala, bu alandağı xalıqara xäyriyälär 2000nçe yıldan 2022gä qadär 650%qa arta häm 128 milliard dollardan 831 milliard dollarğa citä.

“Dön’yada, farazlarğa qarağanda, 281 million xalıqara migrant bar. Bäreleş, köç qullanu, tabiğıy afät häm başqa säbäplär arqasında yäşägän cirennän kitärgä mäcbür bulğan keşelärneñ sanı 2022nçe yıl axırına iñ yuğarı däräcägä - 117 millionğa citte. Bu xäl küçenü krizislarına çişeleş tabunıñ niqadär aşığıç ikänen kürsätä” diyelä xisapta.