"Altın globus"ta qatnaşuçılar koronavirus êläkterde

Amerika Quşma Ştatlarında Gollivud çit il matbuğatı assośiaśiyäse uzdıruçı “Altın globus” premiyäläre tapşıru tantanasında qatnaşqan bik küp mäşhür şäxesneñ koronavirus testı pozitiv çıqtı. Çara bıyıl 80nçe tapqır oyıştırıldı.

BBCneñ xäbärenä qarağanda, tantanada qatnaşqan Kolin Farrell, Brendon Glison, Djeymi Li Kyertis, Mişel’ Pfayfer häm başqa tanılğan sänğat’çelär “Altın globus”tan soñ Kovid-19 êläkterüläre turında xäbär itte.

Koronavirus oçraqlarınıñ dön’ya külämendä arta başlawın äytüçe belgeçlär aktyerlar arasında kürelgän kizüneñ syurpriz bulmawına iğ’tibarnı cälep itte häm saqlanırğa çaqırdı.

Boston balalar xastaxanäsennän êpidemiolog Djon Brounşteyn bik küp virusnıñ äyläneştä buluın söyli häm bina êçendä uzuçı çaralarda yoqtırunıñ qotılğısız buluın assızıqlıy.