Kapadokiyağa 3 millionnan artıq turist kilde

Türkiyäneñ iñ ähämiyätle rurizm cirleklärennän berse - Kapadokiyadağı muzey häm xärabälärne ağımdağı yılnıñ başınnan avgustına qadär 3 million 53 meñ 827 keşe kilep kürgän.

Töbäk idaräsennän belderülärençä, ğacäyep qıyataşları, hawa şarlarındağ säyäxätläre, cir astı şähärläre, qıyalarğa çoqıp yasalğan qunaqxanä häm çirkäwläre belän tanılğan Kapadokiya töbäge bıyıl da turistlarnıñ iğ’tibarınnan çittä qalmadı.

Cirle mädäniyät häm turizm idaräsenä bäyle muzeylar arasındağı Xacibäktaş Väli muzeyı 285 meñ 200 keşe belän iñ küp turist cälep itkän urın buldı.

Zälvä borınğı urnaşu cirlegen 109 meñnän artıq, Görämä açıq hawa muzeyın isä 100 meñ 500läp keşe kilep qaradı.

Töbäktäge üzäklär uzğan yılnıñ şul uq çorında 2 million 544 meñ 909 turistnı qunaq itkän ide.