Marsia Kross Fälästin öçen ärnüen citkerde
“Ömetsez xucabikälär” serialındağı Bri Van de Kamp role belän tanılğan aktrisa fälästinlelärneñ ğazaplarına bitaraf qaluçılarğa rizasızlıq belderde
2101685
Dön’ya külämendä millionlağan tamaşaçınıñ küñelen yawlağan “Ömetsez xucabikälär” (Desperate Housewives) serialındağı role belän tanılğan Amerikalı aktrisa Marsia Kross Fälästindäge waqıyğalarağa qarata tawış kütärmäwçelärgä rizasızlıq belderde. Ul sośial’ media platforması “İnstagram” aşa yazma urtaqlaştı häm yänäşäsendäge keşelärneñ Ğazzä häm Fälästindäge xällärgä bitaraflığına tiränten borçıluın citkerde. “Küzläre yäş’länmägän, yöräkläre qısılmağan häm berni dimäwçe keşelär arasında niçek yäşäyäçägemne añlıy almıym” - dip yazdı aktrisa.
Marsia Kross Fälästindäge qotoçqıç waqıyğalarnı tasvir itärlek süz taba almawın häm, älege dähşätkä qaramastan, süzsez toruçılar arasında üzen çuqraq şikelle xis itüen belderde.
