Cırçı robot säxnägä çıqtı

Törkiyäneñ Samsun şähärendä menestrel’ (säyäxätçe şağıyr’-muzıkant) tradiśiyäläreneñ iñ tanılğan wäkillärennän berse bulğan xalıq cırçısı Aşık Väysäl Şatıroğlunıñ keşegä oxşaş robotı säxnägä çıqtı. Anı silikon häm android häykällär buyınça êşçänlek alıp baruçı Adil Çälik 10 ayda yasıy. Robot Aşık Väysälneñ fizik üzençäleklärenä kürä dizayn itelgän. Anı Samsun mêriyasınıñ sänğat’ üzägendä studentlarğa täq’dim ittelär.

Robot Aşık Väysälneñ cırların êçenä urnaştırılğan yasalma aqıl cihazı yärdämendä başqardı.

Proyekt Törkiyä cömhüriyäte tözelügä 100 yıl tulu häm sänğat’çeneñ ülemeneñ 50 yıllığı uñayınnan êşlängän.

Robot 5 cır başqara ala. Ul barlıq muskul üzençäleklärenä iyä. Xätta moxitneñ temperaturasına qarap tirlärgä dä mömkin.