Şanlıurfa muzeyları qabat açıldı

Uzğan yılnı Şanlıurfada barlıqqa kilgän su basu afätendä zıyan kürgän Şanlıurfa Arxeologiya muzeyı häm Xäleblebaqça mozaika muzeyı ütkärelgän tözekländerü êşlärennän soñ qabat açıldı.

Muzeylarda alıp barılğan êşçänleklär belän bäyle mäğlümat alğan Şanlıurfa vilayäte başlığı Xäsän Şıldak 11 aylıq waqıtta başqarılğan barlıq êşlärneñ tarixi äsärlärgä zıyan kitermiçä çınğa aşırıluın häm 15 fevral’dän başlap muzeylarnıñ qabat açıluın belderde.

2015 yılda açılğan häm 60 meñ kvadrat metrlık mäydanda tözelgän muzeyda “Tarixnıñ başlanğıçı” bularaq ta belenüçe Göbäklitäpä häm Karaxantäpä kebek bar dön’yağa tanılğan qazularda tabılğan äsärlär dä bar.

Muzeyda berençe tapqır urın aluçı äsärlär arasında 2023 yılda Karaxantäpä qazu mäydanında tabılğan ber keşe häykäle dä bar.

2023 yılda Adıyaman häm Şanlıurfa vilayät’lärendä küzätelgän yawım-töşem töbäktäge ber yılğanıñ taşuına häm Adıyamannıñ Tut rayonı belän Malatyanıñ Doğanşähär rayonında su basularnı kiterep çığarğan ide.

Törkiyäneñ iñ zur muzeyı bulğan Şanlıurfadağı Arxeologiya muzeyı belän Xäleblebaqça mozaika muzeyı bu fäläkättä zıyan kürgän ide.