“Tuyğa höcüm bezneñ öçen başlangıç buldı”

Törkiyä ilbaşı Ärdoğan: "Könbatış illäreneñ qaçaqlar problemasındağı rasaçı totış oyatqa qaldıruçı"

Törkiyä ilbaşı Racäp Tayyip Ärdoğan Süriyä krizisının dön’yanıñ qanawçı yarası buluın belderep: “Könbatış illäreneñ qaçaqlar problemasındağı iminlek yaqlı häm xätta rasaçı totışı keşelek öçen oyat,” – dide.

Ärdoğan G20 Liderlar oçraşuında qatnaşır öçen kitkän Qıtaynıñ Hangcou şähärendä matbuğat oçraşuı oyıştırdı.

Törkiyä ilbaşı Ärdoğan: “Süriyä krizisı ber yaqtan ildä ülemnär häm terror oyışmaları êşçänlekläre, ikençe yaqtan kiterep çığarğan qaçaqlar draması belän dön’yanıñ qanawçı yarası bulırğa däwam itä. Könbatış illäre qaçaqlar mäs’äläsendä kürsätkän iminlek yaqlı häm xätta rasaçı totışları keşelek öçen oyattır. Xäzerge waqıtta Süriyädä üterelüçelär sanı 600 meñnän arttı. 600 meñ keşe üterelgän urında haman da keşe üterüçe Äsädneñ wazifasında qaluın yaqlaw oyat dip uylıym,” – dide.

Ärdoğan G20 sammitınnan soñ Kongress üzägendä matbuğat oçraşuı oyıştırdı. Qıtay telendä “İsänmesez” diyep, zaldağılarnı sälamlägän Törkiyä ilbaşı 11nçe G20 Liderları oçraşuınıñ Qıtay xalıq cömhüriyätendä tämamlanuın äytte.

Ärdoğan kiläse çorda bu mäs’äläneñ borçu tudıruı häm humanitar sizgerleklär mäs’äläsendä êşçänlek başqarudan waz kiçmayäçaklären assızıqlap: “Törkiyä çittän yärdäm kilsä dä, kilmäsä dä, qabul itüne däwam itteräçäk. Süriyädän kilüçelärne dä, Ğiraqtan kilüçelärne dä din, tel, ıruğlarına qaramıyça qunaq itäçäk, itäbez dä,” – dide.

İlbaşı tübändägeçä däwam itterde: “Problemanıñ çığanağı tabılğançı, yägni Süriyä belän ber rätän töbäktäge krizislar çişelgänçe qaçaqlar mäs’äläseneñ dä onıtıluı mömkin tügel”.

“FETÖ dip atalğan oyışmanıñ dön’yaküläm çeltär buluın onıtırğa yaramıy”

“FETÖ dip atalğan oyışmanıñ Törkiyä çitendä tağın 170 ildä êşçänlek başqaruçı global’ çeltär buluın onıtmasqa kiräk,” – digän Ärdoğan: “Dini ışanu, belem häm yärdäm kürsätergä teläw kebek keşelek toyğıların, säwdä mönäsäbätlären qullanıp, üzenä alan açqan bu oyışmağa qarşı bar dön’yanı sizger bulırğa çaqıram,” – dip belderde.

“Terror oyışmalarına qarşı prinśipial’ köräşne şunduq başlatu zarur”

Terror oyışmalarına ayırıp qaramaw zarurlığına basım yasağan Törkiyä ilbaşı tübändägeçä citkerde: “”DEAŞ”, PKK, PYD, YPG, FETÖgä ayırıp qarawçı añlayışnı beterergä kiräk. Barlıq terror oyışmalarına qarşı prinśipial’ köräşne şunduq başlatu zarur. Bez terrorçılıqqa qarşı köräşne däwam itterüdä täwäkkäl. Däwlät başlığı bularaq üzem dä, xökümätebez dä bu mäs’älädä täwäkkäl. Törkiyäneñ Cärablus operaśiyase bu mäs’älädäge täwäkkällelekne kürsätep tora. 15nçe iyul’ könge tüntäreleş kereşüennäñ sıñ ilebezdä iğlan itelgän Ğadättän tış xäl barı tik Fätullahçı terror oyışması/parallel’ däwlät qorılışı belän tağın da aktiv köräş itü, bu mäs’älädä kiräkle qabat qorılış êşçänleklären alıp baru maqsatına qarağan”.

“Tuy mäclesenä höcüm bezneñ öçen başlangıç buldı”

Gaziantäp şähärendäge tuy mäclesenä oyıştırılğan terror höcüümeneñ tögäl başlangıç buluın açıqlağan Ärdoğan bolay dip belderde: “Süriyäneñ tönyağındağı bu operaśiyalärebez Süriyäneñ cir bötenlegenä qatışu tügel, berençe êtapta Cärablus bezneñ çigebezder genä. Cärablustan qızğanıç aylar buyı bezneñ cirlärebezgä ut açıla. Soñğı tapqır tuy mäclesendä 14 yäşlek balağa bäylänep quyılğan bombalar şartlatıldı, 56 keşe yaqtı dönyadan kitte, 100 tiräse yaralanuçı bar. Bu waqiğa bezneñ öçen tögäl başlangıç buldı”.

“Cärabluska üz xalqı urnaştı”

“DEAŞ” terror oyışmasınnan arındırılğan Cärablus töbägenä üz xalqınıñ qabat barıp urnaşuına iğtibar cälep itkän Törkiyä ilbaşı: “Cärabluska Süriyädäge Cärablusnıñ xalqı bulğan basınqı oppoziśiyaçellär belän bergä kerdek häm annan “DEAŞ” terror oyışmasın çığarıp taşladıq. Xäzerge waqıtta Cärablusta “DEAŞ” yoq, çistartıldı ul cirlär. Xäzer anda üz xalqı barıp urnaştı. Sannarı yaqınça 100 meñ bulğan Cärablus töbäge xalqı söyeneşep, qabat cirlärenä qayttı.