333 million bala çiktän tış yarlılıqta yäşi

Dön’yadağı balalar sanınıñ yaqınça 6dan 1enä turı kilüçe 333 million sabıy çiktän tış yarlılıqta yäşi.

BMOnıñ balalarğa yärdäm fondı YUNİSEF häm Bötendönya bankı bergäläşep bu xaqta xisap äzerläde. Ul “Xalıqara açlıq çigenä kürä yarlılıqta yäşäwçe balalar” dip atala.  

Köndälek 2,15 dollardan azraq aqçağa yäşäwçe balalar “çiktän tış yarlılıqta yäşäwçe” sanala. Andıylarnıñ sanı 2013nçe yıldan 2022gä qadär 13%qa kimegän. Yäğ’ni 383 millionnan 333 millionğa töşkän. Tik, şulay da, "Kovid-19" kizüe arqasında quyılğan maqsatlarğa ireşä almıylar. Ä ul 300 millionğa töşü bula.

Afrikanıñ Saxara astı töbäge balalar yarlılığı nisbätennän iñ zur yökne kütärä. Dön’yadağı çiktän tış yarlılıq êçendä yäşäwçe balalarnıñ 40%ı şunda.

Xisapta äytelgänçä, älege regionda 2013nçe yılda balalar yarlılığı 54,8% bulğan, 2022nçe yılda ul 71,7%qa citä.

YUNİSEF häm Bötendönya bankı xökümätlär häm xezmättäşlären balalar yarlılığın beterü öçen älege mäs’älägä östenlek birergä çaqıra.