Dön’yada olı yäş’täge keşelär sanı arta
Bu xaqta BMO xisabında äytelä
2045072
2050 nçe yılda böten dön’yada 6 keşeneñ berse 65 yäş’tän olı bulaçaq.
Berläşkän Millätlär Oyışması xisabına qarağanda, dön’yada olı yäş’täge keşelär sanı arta.
65 tän uzğan ölkännär sanı 2050 nçe yılda 1 milliard 600 millionğa citär dip kötelä. Bu faraz tormışqa aşsa olı yäş’tägelär dön’ya xalqınıñ 16%tan artığın täşkil itäçäk.
2050 nçe yılğa dön’yadağı 6 keşeneñ berse älege yäş’ törkemennän bulaçaq dip isäplilär.
BMO xisabı bilgeläp uzğança, 2050 nçe yılda Gonkong xalqınıñ 40,6%ı olı yäş’täge keşelärdän toraçaq.
Andıylar Kon’yaq Koreyada xalıqnıñ 39,4%ın, Yaponiyädä 37,5%ın, İtaliyädä 37,1%ın, İspaniyädä 36,6%, Tayvan’da 35,3%, Greśiyädä 34,8%, Portugaliyädä 34,5%, Singapurda 34,2% häm Kuveytta 33,6% ın täşkil itäçäk dip farazlıylar.