Yäşägän cirlärennän küçep kitärgä mäcbür bulğan keşelär sanı arta
2024 nçe yılda Yaqın Könçığış häm Tön’yaq Afrikada andıylar sanı 11 million 700 meňgä citär dip kötelä
![Yäşägän cirlärennän küçep kitärgä mäcbür bulğan keşelär sanı arta](http://cdn.trt.net.tr/images/xlarge/rectangle/f99d/b1ab/878e/658e8b36b5f71.jpg?time=1716120438)
2024 nçe yılğa Yaqın Könçığış häm Tön’yaq Afrikada yäşägän cirlärennän küçep kitärgä mäcbür bulğan keşelär sanı 11 million 700 meňgä citär dip kötelä.
Bu xaqta Berläşkän Millätlär Oyışması yuğarı komissariatınıň 2024 nçe yılğa planlaştırılğan xisabına qağılışlı belderüendä citkerelä.
Belderüdä äytelgänçä, il êçendä küçerelgän keşelär häm alarnı qabul itüçe cämğyät’lärgä yärdämne däwam itü bik möhim.
2024 nçe yılğa Yaqın Könçığış häm Tön’yaq Afrikada yäşägän cirlärennän küçep kitüçelär sanı 11 million 700 meňgä citär dip kötelä.
2024 nçe yılda böten dön’yada 130 million 800 meň mäcbüri küçerelgän häm watansız keşelärgä yärdäm kiräk bulaçaq dip farazlıylar.
Belderüdä äytelgänçä, Berläşkän Millätlär Oyışması yuğarı komissariatı partnyerları belän xezmättäşlek qısalarında küçerü bulğanda yaqlaw, yärdäm häm tormışnı saqlap qalu öçen çaralar kürü maqsatınnan 2024nçe yılğa 10 milliard 622 milion dollar külämendä byudjet bülep birelgän.