Törkiyä Öremçedäge höcümne gäyepläde

Tışqı eşlär ministrlığınnan yasalğan belderüdä: “Qıtay Xalıq Cömhüriyäteneñ Sincan uyğır üzidaräle töbägeneñ idari üzäge Öremçedäge timer yulı stantsiyäsendä kiçä kiç belän barlıqqa kilgän häm räsmi matbuğatqa kürä xalıqtan ber keşeneñ häläq buluına häm 79dan kübräk keşeneñ yaralanuına säbäp bulğan terror höcümen kisken räweştä gäyeplibez, ğomere özelgannärneñ tuğannarınıñ qayğısın urtaqlaşabız, yaralanuçılarğa aşığıç şifalar telibez”, - dip äytelde.

Törkiyäneñ säbäbe nindi genä bulmasın, terrorçılıqqa härwaqıt qarşı buluına basım yasalğan belderüdä: "Öremçedäge höcüm öçen cawaplılarnıñ iñ qısqa waqıtta qulğa alınıp, ğädälät aldında xisap birülären telibez”, - dip assızıqlandı.