Törki dönya kitap yärminkäse
Yärminkä 6 nçı may könne Törkiyäneñ İskeşähär qalasında açıldı
2013 nçe yılda törki dönyanıñ mädäni başqalası bulğan Törkiyäneñ İskeşähär qalasında 6 nçı may könne bıyıl berençe tapqır ütkärelüçe törki dönya kitap yärminkäse açıldı.
Açılış tantanasında Törkiyä milli mäğärif ministrı Nabi Avcı, İskeşähär vilayät başlığı Güngör Azim Tuna, törki dönya Yazuçılar Berlege başlığı Anar Rzayev, Awraziya Yazuçılar Berlege başlığı Yakup Ömäroğlu, Törkiyädän häm törki illärdän yaqınça 100 gä yaqın yazuçı häm näşriyat xucaları qatnaştı.
Kitap yärminkäse eşçänlegendä 18 ildän 48 yazuçı häm 80 gä yaqın näşriyat qatnaşa.
Törkiyä milli mağärif ministrı Nabi Avcı yärminkäneñ açılışında yasağan çığışında çaranıñ kiläçäktä dä däwam itäçägen häm traditsion tös alaçağın belderde.
Avcı açılış tantanasınnan soñ stendlarnı qaradı, watandaşlarnı kitap uqırğa çaqırdı.
Yärminkä 11 nçe mayğa qadär däwam itäçäk.
Bäyläneşle xäbärlär
![Törki investiśiya fondı qorıla](http://cdn.trt.net.tr/images/medium/rectangle/4759/b712/29c4/664869902087c.jpg?time=1716120379)
Törki investiśiya fondı qorıla
Fond Törki däwlätlär arasındağı iqtisadi häm säwdä mönäsäbätlären üsteräçäk
![Lukaşenko Azärbaycanğa kilde](http://cdn.trt.net.tr/images/medium/rectangle/596f/9bde/450e/66485955837fe.jpg?time=1716120379)
Lukaşenko Azärbaycanğa kilde
Belarus' ilbaşı Ärmänstan yawınnan qotılğan Fuzuli häm Şuşa şähärlärenä bardı