Azärbaycan awılında kümäk qaber tabılğan
Azärbaycannıñ Ärmänstan yawınnan azat itkän Ağdam vilayäteneñ Sarıcalı awılında kümäk qaber tabılğan
Töbäktä ütkärelgän minalardan çistartu çaraları waqıtında 4 keşeneñ mäyıtläre häm xärbi maşina öleşläre tabılğan.
Bu keşelärneñ 1nçe Qarabax suğışında üterelgän Azärbaycan xärbiläre yäki grajdannarı buluı farazlana.
Azärbaycan äsir, xäbärsez yuğalğan häm totıq watandaşlar däwlät komissiyası keşe mäyıtläreneñ tanıqlığın bilgeläw häm yaña qaldıqlarnıñ tabılu ixtimalı belän töbäktä êşçänlek başlattı.
Räsmi yazmalarğa kürä, 1990nçı yıllar başında 1nçe Qarabax suğışında Azärbaycanlı 3 meñ 890 ğaskäri häm grajdan xäbärsez yuğalğan.
Azärbaycan Ärmänstan belän ütkärelgän söyläşülär waqıtında xäbärsez yuğalğan şäxeslär mäs’äläsen härwaqıt quzğata häm bu şäxeslärneñ yazmışınıñ açıqlanıluın taläp itä.
Okkupaśiyädän azat itelgän töbäklärdä moña qadär dä 7 kümäk qaber tabılğan ide.
