Qırğızstan İrannıñ qayğısın urtaqlaştı

 Qırğızstan ilbaşı Sadır Caparov İrannıň Kirman şähärendä bulğan terror höcümnären ğayepläde.

İlbaşı idaräseneň matbuğat üzäge beldergänçä, ilbaşı Caparov İran ilbaşı İbrahim Räisigä qayğınamä cibärgän.

Sadır Caparov Qırğızstannıň global’ tınıçlıqqa häm totrıqlılıqqa qurqınıç tudıruçı terrorçılıqnıň här formasın kisken räweştä ğayepläwen belderep, höcümdä ğomeren yuğaltuçılarnıň ğailäläreneň häm İran xalqınıň qayğısın urtaqlaşqan.

İrannıň Kirman şähärendä Qasıym Söläymanineň ülemeneň 4 yıllğı uňayınnan oyıştırılğan iskä alu çaraları waqıtında bulğan şartlawlarda 84 keşe ülde, 284 keşe yaralandı.

Qasıym Söläymani 2020 nçe yılnıň 3 nçe ğıynwarında AQŞnıň Ğıyraq başqalası Bagdatqa höcümendä üterelgän ide.