Äliyev üzeneñ Ärdoğanğa mönäsäbäten açıp saldı

Azärbaycan däwlät başlığı İlham Äliyev ileneñ oçraşaçağı nindi dä bulsa citdi mäs’älädä berençe bulıp şaltırataçağı keşeneñ Törkiyä ilbaşı Räcäp Tayyip Ärdoğan buluın äytte. Bu xaqta ul cirle telekanalğa interv’yusında söyläde.

Äliyev äñgämädä 2020nçe yılnıñ 27nçe sentyabrennän 10nçı noyabr’gä qadär barğan 2nçe Qarabax suğışı çorındağı telefon söyläşüläre xaqında da süz quzğattı. Ul kübräk ilbaşı Ärdoğan häm Rusiyä däwlät başlığı Vladimir Putin belän söyläşüen belderde.

Äliyev Törkiyä liderınıñ suğışnıñ berençe könennän başlap axırına qadär Azärbaycan yanında buluın assızıqlap bolay di: “Anıñ säyäsi häm ruxi yärdäme qayberäwlärgä yullama buldı. Bu barı Azärbaycan xalqına teläktäşlek belderü genä tügel, şul uq waqıtta suğışqa tıqşınırğa teläwçelärgä “qatışma” diyü ide. Azärbaycan xalqı monı berqayçan da onıtmayaçaq”.   

Äliyev Şuşanıñ basıp alınudan qotqarıluınnan soñ üzen berençe bulıp qotlağan keşeneñ dä Ärdoğan ikänlegen äytte.  

“Ägär bügen ilebez belän bäyle nindi dä bulsa citdi mäs’älä çıqsa, älbättä, berençe bulıp şaltırataçaq häm mäğ’lümat biräçäk keşem - qardäşem Räcäp Tayyip Ärdoğan bulaçaq,”-dide Azärbaycan ilbaşı.