Äliyev: “Zängäzur açılmağan oçraqta Ärmänstan belän çiklär açılmayaçaq
Azärbaycan İlbaşı İlham Äliyev ileneñ könbatış vilayätlären Naxçıvan üzidaräle cömhüriyätenä totaştıraçaq Zängäzur koridorı açılmağan oçraqta Ärmänstan belän çiklären dä açmayaçaqların belderde
İlham Äliyev cirle televideniye kanalları aşa kön üzäk mäs’älälärne bäyäläde.
Äliyev Azärbaycannıñ könbatış vilayätlären Naxçıvan üzidaräle cömhüriyätenä totaştıraçaq Zängäzur koridorı belän bäyle bularaq: "İñ yaraşlı variant Ärmänstanda urnaşqan Mähri töbägennän uzaçaq yünäleş. Häm timer yulı häm dä avtoyul annan uzarğa tiyeş. Azärbaycannan Azärbaycanğa keşelärneñ häm yöklärneñ bernindi kontrolgä totılmıyça uzuı zarur. Tiskäre oçraqta Ärmänstan axırğaça tupikta qalaçaq. Häm telgä alınğan marşrut açılmağan oçraqta bez Ärmänstan belän çiklärebezne açmayaçaqbız”, - dip äytte.
"Ärmänstan tınıçlıq kileşüe öçen garant däwlätlär buluın teli”, - dip äytüçe Azärbaycan Däwlät başlığı: "Bez isä moña kiräge yuq dip uylıybız”, - dide.
Bäyläneşle xäbärlär
Törki investiśiya fondı qorıla
Fond Törki däwlätlär arasındağı iqtisadi häm säwdä mönäsäbätlären üsteräçäk
Lukaşenko Azärbaycanğa kilde
Belarus' ilbaşı Ärmänstan yawınnan qotılğan Fuzuli häm Şuşa şähärlärenä bardı