Qazan yulların çistartu öçen 1 atna kiräk

Tatarstan başqalası Qazan uramnarında inde 2 kön rättän maşinalardan barlıqqa kilgän “bökelär” 10 ball däräcäsendä. Şähärneñ barlıq rayonnarında xäl qatlawlı dip citkerä cirle mäğ’lümat çaraları. Cämäğat’ transportı da zur özekleklär belän xäräkät itä. Respublikada berniçä kön däwam itkän häm ğadättän tış xäl däräcäsenä citkän qar burannarınnan soñ yullar äle haman çistartılıp betä almıy. Qazan başqarma komitetı başqala uramnarın tätipkä kiterü öçen kimendä ber atna kiräk buluın citkerde.

Meteorologlar 5 köndä aylıq normadan da artıq qar yawuın belderä. Monıñ soñğı 14 yıldağı iñ rekord kürsätkeç buluın citkerälär.