Şeñcan-Uyğır üzidaräle töbägendä cir teträw

Qıtaynıñ Şeñcan-Uyğır üzidaräle töbägendä 7,0 ball zurlığında cir teträw barlıqqa kilgän.

AQŞnıñ Geologik tikşerenülär oyışmasına kürä 7 ball, Qıtaydağı Cirteträw çeltärläre üzägenä kürä isä 7,1 ball zurlığında barlıqqa kilgän zilziläneñ êpiśentrı – Aykol rayonı.

Afättä älegä ülüçelär xaqında mäğlümat yuq.

Cirle sägät’ belän tönge 3tä küzätelgän cir teträwdä 20 awılda ike öy häm qayber abzarlar cimerelgän.

Cir teträwdän soñ töbäktä iñ zurısı 5,3 ball bulğan iyärçen zilzilälär barlıqqa kilde.

Cirteträw Aksu vilayäte belän ber rättän Şeñcan-Uyğır üzidaräle töbägeneñ Kaşgar, Hotan häm Urumçi şähärläre belän Qırğızstan, Qazaqstan häm Üzbäkstan kebek töbäk illärendä dä xis itelgän.